NOVOS XACEMENTOS DE EMPREGO EN GALICIA

O mercado laboral é un escenario cambiante e complexo, determinado en gran medida polas estruturas produtivas e condicionado polas variacións de ciclos económicos entre outros factores.

Como consecuencia da crise económica sufrida nos últimos anos, os sectores que tradicionalmente creaban emprego (construcción, comercio, transportes…) sofren unha gran caída e un efecto negativo nas estruturas produtivas de Galicia.

O aumento do paro na nosa comunidade como consecuencia desta situación fixo que se pensase no estudo e búsqueda de novos xacementos ou nichos de emprego como novas saídas profesionais.

A realización de estudos neste campo permítenos analizar de que xeito o contorno socioeconómico inflúe no bo funcionamento das diferentes actividades empresariais e como repercute directamente na creación ou destrución de postos de traballo.

Grazas aos resultados destes estudos podemos apuntar cara a unha serie de posibles xacementos ou nichos de emprego que se están a potenciar na nosa Comunidade Autónoma, ao converterse en oportunidades de negocio e novas saídas profesionais.

En Galicia, o Instituto Galego das Cualificacións vén desenvolvendo nos últimos anos diversos estudos sobre o mercado laboral galego e apunta os seguintes como novos filóns de emprego ou profesións con auxe:

SERVIZOS DA VIDA DIARIA	SERVIZOS PARA A MELLORA DA CALIDADE DE VIDA
Servizos a domicilio         Atención á infancia   Novas tecnoloxías da información e da comunicación         Axudas a mozos/as con dificultades de inserción	Mellora da vivenda         Seguridade         Transportes colectivos locais         Aproveitamento dos espazos públicos urbanos         Comercios de proximidade
SERVIZOS CULTURAIS E DE OCIO	PROTECCIÓN DO MEDIO NATURAL
Turismo        Sector audiovisual        Patrimonio cultural         Desenvolvemento cultural local        Deportes	Tratamento de residuos        Xestión da auga        Protección e mantemento das zonas naturais         Regulación e control da contaminación e instalacións correspondentes        Enerxías alternativas

Cabe destacar tamén como outro filón de emprego en auxe a agricultura ecolóxica, actividade en proceso expansivo máis intensiva en man de obra que a agricultura tradicional e fortemente conectada con outros filóns de emprego, como o turismo rural. 

Os filóns de emprego nacen coa idea de xerar emprego que satisfaga, amplíe e mellore a calidade de vida da poboación galega. 

É importante poñer en auxe e potenciar actividades que posúe a nosa Comunidade Autónoma que nos fan ser diferentes do resto das rexións de España. (turismo rural, turismo gastronómico, ocio e lecer….)

CONCLUSIÓNS:

-Segundo os estudos realizados a Familia Profesional de Servizos socioculturais e á comunidade é a que recolle as maiores oportunidades de emprego na actualidade: atención á infancia, animación comunitaria, asistencia social e os servizos á dependencia.

-A incorporación da muller á vida laboral e o envellecemento da poboación galega motivan a aparición deste tipo de ocupacións, moitas relacionadas ca creación de residencias de anciáns, centros de día, servizos escolares e extraescolares que axudan á conciliación da vida persoal e familiar pero a día de hoxe aínda seguen sendo escasos ou insuficientes pola gran demanda que teñen.

-A potenciación do Turismo en Galicia é unha baza que se debe considerar pola riqueza en recursos tanto naturais como culturais. Hai unha serie de actividades en auxe : desenvolvemento turístico, xestión de axencias de viaxes, acompañamento de grupos turísticos, etc..

Esta actividade non é a que máis xera emprego pero serve para potenciar a área de hostalería e outras actividades coma o transporte e o comercio.

ENLACES DE INTERESE:

 Industria alimentaria e creación de emprego en Galicia

Empleo verde como "filón laboral" para los jóvenes